A BANDEIRA PALESTINA NO CÚMIO DO MONTE TREGA

 

 

A BANDEIRA DA PALESTINA AO VENTO NO TREGA NOVAMENTE

Tal e como foi anunciado na multitudinaria concentración en solidariedade coa Palestina de onte, que tivo lugar na praza Avelino Vicente da Guarda, a bandeira de Palestina foi colocada novamente hoxe no mastro do monte Trega polo Colectivo en Solidariedade coa Palestina do Baixo Miño.

Desde o Colectivo, mostramos profundo agradecemento á Comunidade de Montes Veciñais e en Man Común da Guarda, por autorizaren esta nova colocación da bandeira, nun xesto que engrandece a vila da Guarda e a propia Comunidade.

Este episodio situou a Guarda entre as localidades nidiamente posicionadas contra o xenocidio e contra o sionismo, pese á visceral reacción do goberno municipal, que nun primeiro momento decidiu retirar a bandeira.

Porque a nosa solidariedade é imparábel e a nosa voz, que parte do máis fundo da humanidade, non se pode calar. Palestina resiste e Palestina vencerá.