COMUNIDADE DE MONTES DE A GUARDA

 

A TOD@S @S VECIÑ@S DA GUARDA

Queremos informar a tod@s @s veciñ@s da Guarda da situación na que se encontra a Comunidade de Montes da Guarda a día 14 de febreiro de 2024:

👉 Por fin, despois de case 5 anos de proceso xudicial xa temos unha sentencia firme por parte do Audiencia Provincial de Pontevedra na que se nos recoñece, ás 29 persoas demandantes, a nosa condición de comuneir@s de pleno dereito.

👉 Esta mesma semana, vimos de enviar unha solicitude urxente á actual Xunta Rectora solicitando a convocatoria dunha Asemblea Xeral Extraordinaria con dous puntos do día: Revocación da actual Xunta Rectora e Elección dunha nova Xunta Rectora.

👉 Esta Asemblea, da que vos manteremos informad@s, débese realizar nun prazo máximo de 60 días.

👉 Informar unha vez máis a tod@s @s veciñ@s, que os máximos responsables desta Comunidade de Montes, e polo tanto da súa xestión, son: Manuel Castro Vicente “Lolo” (Presidente) e Celso Rodríguez Fariñas (Secretario), actual membro da coorporación municipal do Concello da Guarda.

👉 Tamén destacar, que o actual alcalde da Guarda, Roberto Carrero, ao igual que o tenente alcalde, Óscar Alonso Álvarez, constan no Rexistro Provincial de montes como comuneiros.

Lembremos que é reponsabilidade de tod@s @s comuneir@s, representados na Asemblea Xeral, a boa marcha da Comunidade de Montes e o cumprimento das súas obrigacións legais (Artigo 50).

👉 Sen máis, dende esta Plataforma, que xa aglutina a máis de 80 veciñ@s afectad@s, só esperamos por parte da Comunidade da Guarda, e por parte destes representantes públicos, que se faga cumprir esta sentencia xudicial; convocando esta Asemblea Xeral, na que por fin @s veciñ@s da Guarda, poidamos decidir libremente quen vai xestionar o noso monte, e normalizar o seu funcionamento.

O monte é de tod@s. E non pararemos ata que así o sexa.

Plataforma de Afectadxs pola Comunidade de Montes en Man Común da Guarda

 

 

 CADA VEZ MAIS PRETO

Hai unhas semanas recibimos por fin a resolución do xuízo de 28 veciñ@s e integrantes desta plataforma contra a Comunidade de Montes da Guarda, dirixida e orquestrada, como tod@s ben sabemos, por Celso Juan R. Fariñas e Manuel Castro Vicente “Lolo”, directos responsables de todas as barbaridades e inxustizas que está acometer esta Comunidade contra a súa veciñanza e o seu monte.
A resolución do Xulgado nº3 de Tui é contundente: @S 28 DEMANDANTES TEMOS DEREITO A SER COMUNEIR@S. Ditaminando ao noso favor en todos e cada un dos puntos tratados e dándonos directamente asi, a nosa condición de comuneir@s de feito.
Aínda que cabe recurso contra esta resolución, e cónstanos que así a farán, os argumentos dados por eles neste xuízo e antes del, son de tal incomprensión e mesquindade que non nos cabe dúbida algunha de que en breves teremos a resolución final ao noso favor.
Sen mais, desde a plataforma queremos mandar 3 mensaxes moi claras ao resto da poboación
guardesa:
1-. Agradecer inmensamente o apoio dado por toda a veciñanza neste proceso durante estes 4 anos
2-. Fomos 28 persoas as que puidemos chegar ata este punto e lograr por fin que se fixera xustiza, pero non é abondo, necesitamos moita máis xente que se incorpore a esta Comunidade de Montes, que agora mesmo está secuestrada por un grupo de persoas que non queren dar conta ao resto de veciñ@s do que se está a facer co noso monte. Así, indiferentemente do teu xénero, idade, condición ou ideoloxía este é o momento de dar un paso adiante e facerte comuneir@, para defender o teu monte, o monte de tod@s.
3-. E por último dirixímonos a tod@s e cada un dos comuneir@s que forman parte da actual Comunidade de Montes, aínda que a maioría nin saiban que son comuneir@s; que saiban que todo isto terá responsabilidades públicas e xurídicas contundentes. A lei é clara, o que se faga nas Comunidades de Montes é de responsabilidade ASEMBLEARIA, máximo órgano de decisión de calquera Comunidade.
É por isto que facemos un chamamento a tod@s os actuais comuneir@s a dar tamén un paso a fronte polo democratización do monte, para acabar de unha vez por todas co caciquismo imperante e conseguir unha verdadeira Comunidade de Montes democrática, xusta e de tod@s.
A Guarda a 3 de maio de 2022
Plataforma Veciñal – Afectadxs pola Comunidade de Montes da Guarda

A LUTA CONTINUA CONTRA OS FASCISTAS DE A GUARDA