MOVÉNDONOS POLO RÍO

Grupo de cinco monitores e sete alumnos do San Xerome

A Cruz Vermella anima a cidadanía do Baixo Minho a limpeza da ribeira do río Minho e dedicar parte do seu tempo libre ao medio ambiente.

As actividades comezaron o 14 de marzo para eliminar plásticos, botellas, arrancar árbores que nacen na area, en beneficio do río Minho e río Folón con voluntarios da Cruz Vermella e alumnos do colexio San Xerome Emiliani.

O proxecto posto en marcha pola Cruz Vermella “MOVÉNDONOS POLO RÍO”, é subvencionado polo Ministerio de Medio Ambiente e Medio Rural e Mariño, sendo seu obxectivo principal a conservación, recuperación do río Minho e seu afluente o río Folón, a través da concienciación educación da xuventude e cidadanía.

Este proxecto conta con voluntarios que realizan accións formativas e informes, avaliacións do río Minho e río Folón que repercutan en beneficio e conservación do río.

En próximos días realizarase unha analítica das augas,(Sería necesario facer analíticas do fango).Damos por feito que se faran en marea baixa e xunto os aliviadeiros das esterqueiras ou "depuradoras".

Colaboran o concello de O Rosal, naturistas e Confederación Hidrográfica do Minho – Sil.

A Guarda 21 de marzo 2011

Asd.José Antonio González Morais