O VELO NAS ESCOLAS

O Goberno elude pronunciarse con claridade sobre el uso do velo nas escolas.

Tras máis de 10 meses de espera para que o Goberno respondese unha pregunta parlamentaria de Gaspar Llamazares, na que, entre outras cuestións, interrogábase sobre ¿Cal é exactamente a posición do Goberno sobre o porte do veo nas escolas?.

O Executivo elude pronunciarse con claridade sobre esta cuestión.

Llamazares rexistrou o 12 de maio de 2010 unha pregunta por mor de que o Ministerio de Xustiza destituíse ao ata entón subdirector xeral de Coordinación e Promoción da Liberdade Relixiosa, Juan Ferreiro Galguera, sen motivo explícito do cesamento. Na súa iniciativa, o portavoz parlamentario de EU valorou que parece ser que a causa última do cesamento foi a difusión dunha nota xurídica que o propio cesado desminte filtrar orixinada polo caso dunha alumna á que un instituto de Pozuelo de Alarcón prohibiu entrar en clase porque levaba o hiyab, nota na que Ferreiro afirmaba que o dereito a profesar unha crenza inclúe o dereito a expresar, exteriorizar ou vestirse de acordo coas mesmas, e engadía que unha alumna leve un veo nunha escola pública non ofende os dereitos fundamentais dos demais, nin tampouco a orde pública.

Por este motivo, Llamazares, ademais de preguntar sobre ¿Cal é exactamente a posición do Goberno sobre o porte do veo nas escolas?, reclamaba do Executivo de Rodríguez Zapatero explicacións sobre se ten algunha opinión sobre a prohibición desta peza.

O Executivo remitiu ao deputado unha concisa resposta de catro parágrafos onde se limita a sinalar que para este Goberno resulta unha prioridade a defensa dos dereitos fundamentais e, como non podía ser doutro xeito, igualmente o dereito da liberdade relixiosa e de crenzas, así como a loita contra calquera discriminación ou limitación da liberdade das mulleres.

O noso ordenamento xurídico, ten os instrumentos necesarios para dar unha resposta adecuada ao uso do veo nos espazos públicos, de xeito equilibrado entre a igualdade, a liberdade e a seguridade.

O Executivo argumenta que, para alcanzar ese obxectivo resulta necesario seguir colaborando coas Comunidades musulmás para, desde o respecto á identidade individual e a lexítima expresión das conviccións relixiosas, promover e impulsar a integración social e a convivencia en liberdade. E iso cun dobre obxectivo. En primeiro lugar, fomentar a educación no respecto á dignidade persoal e a igualdade entre homes e mulleres, tal e como contemplan as leis de Igualdade e contra a Violencia de Xénero, como instrumento máis eficaz para alcanzar a cohesión e a convivencia social sobre a base dos valores constitucionais que rexen a nosa sociedade democrática. En segundo lugar, débese buscar e potenciar a integración das mulleres de orixe musulmá desde o respecto á dignidade e igualdade.

Para rematar, en relación á destitución do por entón subdirector xeral de Coordinación e Promoción da Liberdade Relixiosa, sobre a que Llamazares pregunta directamente ¿Cal é a valoración do Goberno sobre o impacto negativo que esta destitución tivo por parte das comunidades musulmás en España?, o Goberno sinala que este posto é un cargo de libre designación polo Director Xeral e o Ministerio de Xustiza, como non podía ser doutro xeito, segue colaborando e comunicándose coas comunidades musulmás así como co resto das comunidades relixiosas.

 

Mércores, 13 de Abril de 2011.